Dɛn na ɛsɛ sɛ mihu ansa magye asubɔ sɛ Yehowa Adanseni?

Mountain Trees

jwstudy.:DԐN NA ԐSԐ SԐ MIHU ANSA MAGYE ASUBƆ SԐ YEHOWA ADANSENI?

Mene Yehowa Adansefo resua na misusuw sɛ nea wɔka no aba pii wom, nanso ansa na mɛgye asubɔ no, mepɛ sɛ mihu sɛ wɔne “Nokware no”. Dɛn na wowɔ ka fa wɔnho?”

YԐN MMUAE:

Damfo Ɔdɔfo,

Ɔpɛ a wɔwɔ sɛ wobɛyɛ Yehowa Adansefo Som ho nhwehwɛmu anibere so ansa na wode woho adɔm wɔn no sɛ nkamfo. Ԑyɛ yɛn anigye sɛ yɛanya hokwan ne wo besusuw yɛn nhwehwɛmu a yɛaboaboa ano fa wɔnho no, na yɛgye di sɛ ɛbɛboa wo bere a wopɛ sɛ wohu sɛ ɛsɛ sɛ wodɔm Ɔwɛn Aban Ahyehyɛde no anaa. Wɔ bere a Yehowa Adansefo ankorankoro yɛ nnipa pa no, yɛahu sɛ Ɔwɛn Aban Ahyehyɛde no Ankasa nyɛ nokwaredifo wɔ “nokware no” ho. Ԑnyɛ sɛ Yehowa Adansefo Bible no, Wiase Foforo Nkyerɛase (WFN) no na woakyinkyim no nko, na mmom wɔn amanne pii a wɔkyerɛ ne Kyerɛwnsɛm no nhyia. (Sɛ wopɛ nsɛm pii a hwɛ yɛn kyerɛwtohɔ “Nokwasɛm a Ɔwɛn Aban Asafo Mpɛ Sɛ Wohu”, kaseɛbɔ.)

ƆWԐN ABAN TUMI A ƆWƆ WƆ YEHOWA ADANSEFO SO:

Nea ɛka Onyankopɔn asɛm a woakyea no akyerɛ wɔn nkurɔfo ho no, Ɔwɛn Aban no wɔ ɔkwan a ɔfa so nya Yehowa Adansefo no adwene ne woasetena ne honhom mu onyin so tumi kɛse. Wɔaka akyerɛ Yehowa Adansefo sɛ ɛsɛ sɛ “wɔpo ankorankoro nsusuwii (Hwɛ Ɔwɛn Aban January 15, 1983, kr. 22, 27) na wɔgye nea Ɔwɛn Aban no kyerɛkyerɛ biara tom ɛmfaho sɛ Ɔwɛn Aban no asesa n’adwene a ɔwɔ wɔ amanne ahorow bebree ho ama ayɛ nea otintim no sɛ “Nokware” ɛnnɛ no ayɛ “mfomso” ɔkyena.

Waka nea ɛsɛ sɛ Yehowa Adansefo gye di wɔ biribiara mu, ebi ne nnwom, Tv ne kaseɛbɔ a wobetie (Hwɛ Ɔwɛn Aban November 1, 1981 kr. 19 ne Ɔwɛn Aban June 1, 2000, kr 27) Yehowa Adansefo nokwaredi ne osetie ma Ɔwɛn Aban mmarahyɛ ahorow no mu yɛ den paa ma nti wɔbɛpɛ sɛ wɔn mma bewu kyɛn sɛ wɔbɛgye mogya efisɛ mogya wɔtwe gu nipaduam no Ɔwɛn Aban Ahyehyɛde no kasatia. Wasɛe Yehowa Adansefo adwene sɛ ɛnsɛ sɛ wosua Bible no nkutoo a wɔmmfa Ɔwɛn Aban nhoma biara nnka ho na mpo sɛ wosua Bible nkutoo a, worennte ase na afei wɔbɛgye nea “Ɔwae” Kristosom nkyerɛkyerɛ ne gyidi no adi. (Hwɛ Ɔwɛn Aban August 15, 1987, kr. 28-29.)

Ɔkwan bɛn so na Ɔwɛn Aban adan dan Yehowa Adansefo adwene ma wɔagye wɔn Tumidi atom wɔ wɔn abrabɔ so? Wɔyɛ eyi denam ka wɔaka akyerɛ Yehowa Adansefo sɛ wontumi nte Bible no ase gyesɛ wɔgye mmoa fi Ɔwɛn Aban Ahyehyɛde no hɔ. (Hwɛ Ɔwɛn Aban, February 15, 1981, kr. 19 ne Ɔwɛn Aban, October 1, 1967 kr. 587) Esiane sɛ Ɔwɛn Aban Ahyehyɛde agye ato neho so sɛ ne nkutoo na Onyankopɔn apaw no sɛ ɔnkyerɛkyerɛ Kyerɛwnsɛm no mu nti, wobisabisa ne nkyerɛkyerɛ ho nsɛm a Yehowa Adansefo hu no sɛ worebisabisa Onyankopɔn ankasa nsɛmmisa!

Adwenem Keserenee ne Kasatia a ɛfa amanne biara Ɔwɛn Aban akyerɛkyerɛ no wohu no sɛ ɛyɛ “afiri” a Satan de yi Yehowa Adansefo ma wɔyɛ “Awaefo” (Wɔn woafi Ɔwɛn Aban Ahyehyɛde no mu) Saa Yehowa Danseni a wɔabɔ asu fi ase kasatia anaasɛ adwenem yɛ no keserenee wɔ biribi Ɔwɛn Aban Ahyehyɛde no kyerɛkyerɛ wɔ ne nhoma mu ho a, wobu no sɛ “onni gyidi” ne ahantan suban, na afei osusuw sɛ “onim papa kyɛn Yehowa Nyankopɔn”. (Hwɛ Ɔwɛn Aban, February 1, 2001 kr. 9 ne Ɔwɛn Aban August 1, 1980, kr. 19-20) Wɔ saa kwan yi so na Ɔwɛn Aban no de neho asi Onyankopɔn ananmu na obu “nokwaredi” ma ne som amanne ne mmarahyɛ sɛ “nokwaredi ne ɔsompa ma Onyankopɔn (Hwɛ Ɔwɛn Aban August 1, 1997, kr. 8)

WOFI MU A WONNI NNIDI:

jws_at_door

Nnidi biara nni hɔ a wobenya, sɛ wobefi Ɔwɛn Aban no mu sᾱ wonya bɛyɛ Yehowa Danseni a woabɔ asu, na wosi gyinae sɛ wobefi Ɔwɛn Aban no mu a yebu wo sɛ woyɛ “Ɔwaefo”-obi a ɔyɛ otuatewfo tia Yehowa. Saa mpo wofi wopɛ mu gyae Ɔwɛn Aban Ahyehyɛde sɛ wohwehwɛ Yehowa Nyankopɔn akyi kwan na woade woho afi Ɔwɛn Aban Ahyehyɛde no akwankyerɛ ne Tumidi ho a, wo nnamfo ne w’abusuafo a ɛwɔ Ahyehyɛde no mu nyinaa bɛpow na afei wɔbɛka akyerɛ wɔn sɛ “wɔtaa wo nea wɔfrɛ no “Nyamesom taa” (Hwɛ Ɔwɛn Aban October 1, 1993, kr. 19 ne Ɔwɛn Aban April 15, 1988 kr. 26-28). Sɛ “Ɔwaefo” no yɛremma wo kwan mma wonnkyerɛw w’adɔfo Yehowa Adansefo nnamfo krataa na afei Ɔwɛn Aban no ahyɛ Yehowa Adansefo no sɛ wɔmpo nkrataa ɛtete saa no mpo a wommmue mu. (Hwɛ Ɔwɛn  Aban, March 15, 1986, kr. 12-13)

Yeahu tebea ahorow a abusuafo mu akyekyɛ esiane mmarahyɛ yi nti, a awofo ne nananom anya anohyetew sɛ ɛnsɛ sɛ wohu wɔn mma ne mmanana efisɛ woafi Ahyehyɛde no mu. Saa wopɛ sɛ wokenkan pii fa Ɔwɛn Aban mmarahyɛ a ɛka abusuafo ne wɔn a woafi Ɔwɛn Aban Ahyehyɛde no mu a, Hwɛ Ɔwɛn Aban November 15, 1952 kr. 703-704 ne Ɔwɛn Aban Septembeer 15, 1981 kr. 24-31.

WƆN A WOANYA ƆGYE NKUTOO NO:

Yehowa Adansefo adwene a wɔwɔ wɔ wiase atwa wɔnho ahyia no ɛyɛ esum kabii. Ɔwɛn Aban Som ne Noa Adaka no di nsɛ (beae nkutoo a guankɔbea wɔ) ɛnna wiase a atwa wɔnho ahyia no yɛ “Ahyehyɛde a Satan Ɔbonsam di wɔnso, na ne sɛe a ɛbɛba Harmagedon kō no renni huammɔ. Yehowa Adansefo ka sɛ ɛsɛ sɛ“obi bɛdɔm Yehowa Ahyehyɛde no ama woanya nkwagye. (Hwɛ Ɔwɛn Aban, November 15, 1981, kr. 21) Wɔaka akyerɛ wɔn sɛ wɔn nkutoo ne nnipa wɔwɔ Kyerɛwnsɛm anidaso sɛ wɔbɛtena wiase bɔne yi nhyehyɛe a Satan Ɔbonsam di so a ne sɛe ɛreba ntɛmntɛm no Saa wɔkɔso ne nkaefo wɔasra wɔn (Yehowa Adansefo Akannifo) tena biakoyɛ mu a “.(Hwɛ Ɔwɛn Aban September 1, 1989, kr. 19 ne Ɔwɛn Aban April 1, 1982 kr. 30-31)

waterfall

Nea ɛne Ɔwɛn Aban paemuka bɔ abira no, Bible ka sɛ “daa nkwa” yɛ obiara a ɔde neho ne n’asetena nyinaa hyɛ Yesu Kristo owuo ne owusɔre mu no dea. (Hwɛ 1 Korintofo 15:1-4, 1 Yohane 5:11-13).  Denam Yesu a wobɛ pɛ sɛ Ɔyɛ wo Awurade ne Agyenkwa no wɔbɛfa wo afi Satan abusua no mu akɔka Onyankopɔn honhom mma abusua ho. (Hwɛ Yohane 1:12) Ahyehyɛde biara nni hɔ a ɔyɛ wone Onyankopɔn ntamgyinafo efisɛ Yesu bɛyɛɛ wo ntamgyinafo biako pɛ efisɛ otuae wo bɔne nyinaa woyɛ ho ka (Hwɛ 1 Petro 2:24) na Odi ma wo wɔ Agya Yehowa Nyankopɔn anim (Hwɛ 1 Timoteo 2:5) Enhia sɛ wode woho bɛdɔm Ahyehyɛde bi na wobɔ mmɔden sɛ wobedi ne ahwehwɛde so ama woafata Yehowa Nyankopɔn anim dom. N’anim dom ayɛ hɔ ama yɛn nnɛ ne daa, nnipa nyinaa denam Yesu Kristo trenee asetra ne ne wuo asiananmu so. (Hwɛ Romafo 6:23, 10:9) Dɛn nti na wonsrɛ Yesu nnɛ naa wommmisa no sɛ ɔfa ne treneeyɛ nsesa wo bɔne? (Hwɛ Filipofo 3:9 ne Yohane 5:39-40, 10:28 ne Kolesofo 3:3) Sɛ wopɛ nsɛm pii fa sɛnea wobenya ogye a hwɛ yɛn kyerɛwtohɔ “Mɛyɛ Dɛn Anya Yehowa Anim Dom Wɔ M’asetram? Nhomawa.

ƆWԐN ABAN NO SIW NNIPA NKWAGYE KWAN:

Ɔwɛn Aban siw nnipa kwan wɔ Yesu ho denam ka ɔka sɛ Yesu nnyɛ Adesamma nyinaa ntamgyinafo na mmom nnipakuw ketewa bi a wɔyɛ honhom mu nsrafo no nkutoo” (Hwɛ Worldwide Security Under the Prince of Peace 1986, kr. 10) Ɔwɛn Aban kyerɛkyerɛ Yehowa Adansefo sɛ wontumi nnya “awo foforo” afei nso wɔka sɛ honhom “abayɛ” yɛ nnipakuw ketewa bi nkutoo a wɔwɔ Ɔsoro asetena anidaso a wɔasɔ wɔn dodow ano dea. Bible no ne Ɔwɛn Aban adwene no nhyia efisɛ ɔka sɛ “ Obiara” ɔwɔ Yesu mu gyidi no “Onyankopɔn awo no” (Hwɛ 1 Yohane 5:1) Ɔwɛn Aban siw nnipa kwan fi ankorankoro abusuabɔ a wɔne Yesu benya denam ka ɔka sɛ ɛmfata sɛ wobɔ “mpae” ma Yesu, nanso Yesu kae kyerɛɛ n’asuafo sɛ…bisa Me biribiara… na Mɛyɛ” (Yohane 14:14) Paulo bɔɔ mpae maa Yesu wɔ 2 Korintofo 12:8-9, afei nso Stefano bɔɔ mpae maa Yesu wɔ Asomafo Nnwuma 7:59. Esiane eyinom nti, yɛabehu sɛ Ɔwɛn Aban no amanne yɛ honhom fam nnaadaa a ɛde nnipe rekɔ ɔsom nnommum fi daa nkwa a egyina ankorankoro abusuabɔ ɛda wɔne Ɔteasefo Awurade Yesu Kristo nkutoo ntam

Ԑyɛ yɛn mpaebɔ sɛ wobehu Yesu Kristo sɛ wo ankasa W’awurade ne W’agyenkwa na nya asomdwoe edi mū, ahobammɔ ne bɔne fafiri a ɛnyɛ Ɔsom Nnaadaa na mmom abusuabɔ egyina wone Yesu dabiara da nantew denam N’asɛm-Bible no so.

SԐ WOPԐ NSԐM PII A HWԐ:

link I WANTED TO LEARN MORE ABOUT THE BIBLE, SO I STARTED STUDYING WITH JEHOVAH’S WITNESSES. HAVE I BEEN DECEIVED?

link ARE JEHOVAH’S WITNESSES ALLOWED TO READ AND STUDY THE BIBLE BY ITSELF?

link DO JEHOVAH’S WITNESSES SHUN FAMILY MEMBERS WHO LEAVE?

 

Print Friendly, PDF & Email

This post is also available in: SpanishPortugueseCzechItalianRussianBorɔfo