Yehowa Adansefo – abakᴐsԑm ne gyidi

Jehovah's Witness Kingdom Hall

HENANOM NE YEHOWA ADANSEFO? -Wᴐn Abakᴐsԑm, Gyidi Ne Amanne

1. ϽWԐN ABAN AHYEHYԐDE NO ABAKϽSԐM:

  • Karles Taze Russell (Nea ᴐde Ͻwԑn Aban Ahyehyԑde baae) wᴐwoo no wᴐ afe 1852.
  • Wᴐ afe 1870 no Russell suae Sekond Adventists nkyerԑkyerԑ ne amanne ahorow fii nnipa atitiriw, te sԑ George Storrs, Yonah Wendell, George Stetson ne Nelson Barbour.
  • Afe 1879: Russell hyԑe ase tintimii Zion Ͻwԑn Aban ԑbᴐ Yesu Kristo mae ho daruwu (Eyi dii Ͻwԑn Aban Ahyehyԑde no anim)
  • Afe 1881: Wᴐde Zion Ͻwԑn Aban  kᴐkaa mmara kwan so Ahyehyԑde ahorow ho ma wogyee toom, na ԑno bԑyԑԑ Ͻwԑn Aban Bible ne Nhomawa Asafo wᴐ Pennsylvania (Watchtower  Bible and Tract Society of Pennsylvania)
  • Afe 1909: Woyii Ͻwԑn Aban Ahyehyԑde ahenkrow Ti (Headquaters) no kᴐe Brooklyn, New York Watch Tower Bible and Tract Society.
  • Afe 1916: Owura Karles Taze Russell wui.
  • Afe 1917-1942 wonyae Ͻwԑn Aban Ahyehyԑde Panyin a ᴐda ano (President) a ԑto so abien, ᴐtemmufo Yosef F Rutherford.
  • Wᴐ afe 1931: Wᴐpawee abodin ‘Yehowa Adansefo’.
  • Afe 1942-1977 Wonyae Ͻwԑn Aban panyin a ᴐda ano a ԑto so abiԑsa a ne din de Nathan H Knorr.
  • Afe 1978-1992: Wopawee Ͻwԑn Aban Panyin a ᴐto so anan, a ᴐne Frederick W. Franz.
  • Afe 1992-2000 Woyii Ͻwԑn Aban so panyin a ᴐto so anum, a ᴐne Milton George Henschel.
  • Afe 2000: Wᴐyԑԑ nsakrae wᴐ Ͻwԑn Aban Ahyehyԑde nhyehyԑemu:
  •   Wᴐtee dwumakuw Ahorow abiԑsa: 1. Yehowa Adansefo Kristofo Asafo (Christian Congregations of Jehovah’s Witnesses), 2. Yehowa Adansefo som nnidiso (Religious Order of Jehovah’s Witnesses),  3. Ahenni  dwumadi  boafo (Kingdom Support Services)
  •  Ͻwԑn Aban Sodikuw no gyae Ahyehyԑde dwumadi no hyԑe Mpanyimfo Kwankyerԑfo Boayikuw (Board of Dircectors) a Don A Adams da ano nsa.

2. Afe 2004 Yehowa Adansefo Akontabu nnidiso nnidiso.

  • Wᴐwᴐ Yehowa Adansefo Asԑmpakafo ᴐpepem nsia (6 million)
  • Nnᴐnhwerew ᴐpepepem biako ne ᴐpepem abien (1.2 billion) na wᴐde yԑe afie ne afie asԑmpaka adwuma afe biara.
  • Wᴐkyekyԑe Ͻwԑn Aban ne Nyan (Awake) nsԑmma nhoma bԑboro aman ahanu ne aduasa (230).
  • Wᴐyԑe Bible adesua ᴐpepem nsia (6 million) de boa wᴐn a wᴐbegye ᴐwԑn Aban Nkyerԑkyerԑ atom abԑyԑ asomfo.
  • Wᴐwᴐ Asafo ahorow mpem aduᴐkron nwᴐtwe (98000)

3.  Wofae Adventist ᴐsom mu gyidi ahorow no batae wᴐn nkyerԑkyerԑ ho tintimii.

  • Yesu Kristo Ahenni tumidi mmae a wᴐkae sԑ enyae mmamu wᴐ 1874 no wᴐyԑԑ nsesa sԑ ԑyԑ afe 1914 mmom.
  • Nsrahwԑ Atemmusԑm: Yesu yԑe honhom fam aduan a wᴐde maa  ho nhwehwԑmu nsrahwԑ efii afe 1874-1878, wᴐ nsesan bԑyԑԑ afe 1914-1919.
  • Ahwehwԑde a ԑkyԑrԑ  sԑ -Ͻkra no wu owu mu, owusᴐre ma wᴐn a wofata, Daa asotwe (Hell)  biara nni hᴐ.
  • Wobesiesie asase bio  ama abԑyԑ paradise.
  • Atoro Nkᴐmhyԑ Mmere.
  • Afe 1874: Na Yesu Kristo Ahenni Tumidi nyae mmamu, nanso ԑbaa mu wᴐ afe 1914.
  • Afe 1914:  Wiase bԑba nawiei.
  • Afe 1915: Yԑ bere a wiase no bԑba awiei na ԑnyԑ afe 1915.
  • Afe 1918: Wiase awiei bԑba, na wᴐasԑe nsᴐre ahorow.
  • Afe 1925: Wiase bԑba nawiei na Abraham, Isak ne Yakob benyane aba asase so bio.
  • Wᴐ afe 1929, ‘Beth Sarim’ wosii Abirimpᴐn dan wᴐ San Diago de maa Ͻhene Dawid ne adiyifo anokwafo a ԑnkyԑ wᴐreba asase so bio.
  • Wᴐ afe 1940 Harmagedon ko no de wiase no bԑba awiei na  ԑrenkyԑ koraa.
  • Afe 1975: Mfe mpem nsia (6000) wᴐ nnipa abakᴐsԑm mu no wiase awiei no bԑba ᴐsram a edi ho na ԑnyԑ mfe.
  • Afe 1994. Awo notoaso a efi 1914 de wiase no bԑba, awiei bԑyԑ mfe aduonwᴐtwe (80), Nanso wᴐ afe 1995 wᴐkyerԑԑ awo notoaso ase sԑ afei ԑyԑ sԑnkyerԑnne kwan so ahosiesie a edi wiase sԑe no anim.

4.  Nneyԑe ahorow a ԑho wᴐ nsԑm.

  • Wonni nnapᴐna anaa awoda
  • Wᴐnnkyia fraska, wᴐnnto aba mpaw ᴐman mpanyimfo, wᴐnnfa woho nhyԑ amanyᴐsԑm ne akodi mu.
  • Wonnye mogya.
  • Wᴐnnkᴐ sukuu nkᴐ akyiri.
  • Wᴐne wᴐn a wᴐnyԑ Yehowa  Adansefo mmᴐ feku.
  • Wᴐne obi a woagyae Yehowa Adansefo som nkasa, na kapԑsԑ wᴐakyia no.
  • Wᴐbara nhoma ahorow a ԑkasa tia Ͻwԑn Aban Ahyehyԑde no denneenne.
  • Wᴐbara sԑ ԑsԑ sԑ obi betie ᴐsom afoforo nkyerԑkyerԑ anaa mpo sԑ wobԑkᴐ wᴐn asᴐredan mu.
  • Wᴐhyԑ wᴐn sԑ ԑsԑ sԑ obi biara kᴐ afie ne afie asԑmpaka de boa afoforo ma wᴐbԑyԑ Yehowa Adansefo.

5.  Yehowa Adansefo Bible –Wiase Foforo Nkyerԑase.

  • Asekyerԑfo nni nimdeԑ biara wᴐ tete Nkyerԑwde a wᴐde kyerԑw Bible no.
  • Asekyerԑfo no kyikyim Yesu Nyamesu adwene a ԑwᴐYohane 1:1, 5:58, Hebrifo 1: 8ne nkyerԑase afoforo de afoa ᴐwԑn Aban Nkyerԑkyerԑ a ԑkotia Yesu sԑ Nyankopᴐn.
  • Wode Onyankopᴐn din Yehowa ahyԑ Apam Foforo no mu, wᴐ bere a tete Bible Nkyerԑwde mma kwan.

6.  Yehowa Adansefo Gyidi ne Kristosom Nkyerԑkyerԑ Ntotoho.

ϽWԑN ABAN GYIDI NE NKYERԑKYERԑ KRISTOSOM GYIDI NE NKYERԑKYERԑ
Agya no nkutoo ne nokware Nyankopᴐn ‘Yehowa’. Yehowa Nyankopᴐn ne Agya, Ͻba ne Honhom Kronkron-Mateo 28:19, Yesaia 48:16, Sakaria 2:8-11, 11:13, 12:10, 2 Samuel 23:2-3, Yohane 1:1-3, 20:28, Hebrifo 1:8.
Wᴐbᴐᴐ Yesu, na afei ᴐyԑ Ͻbᴐfopᴐn Mikael. Wᴐammᴐ Yesu. Ͻyԑ Onyankopᴐn-Yesaia 9:6, Hebrifo 7:3, Yesaia 44:24, Yohane 1:3, Yesaia 48:12, Adiyisԑm 1:7-8, Filipifo 2:5-11.
Yehowa nyanee Yesu fii owuo mu sԑ honhom nipadua te sԑ ᴐbᴐfo a ԑnyԑ ne honam  nipadua. Yesu nyanee ne honam nipadua fii owuo mu sԑ honam nipadua a edi mu ne Nyamesu titiriw ankasa-Luka 24:39, Yohane 2:18-22, 10:17-18, Asomafo 17:31, Filipifo 2:5-11.
Onyankopᴐn Honhom kronkron yԑ tumi a enni nipasu. Honhom Kronkron yԑ Nyankopᴐn na afei nso ᴐwᴐ nipasu-Romafo 8:27, 1 Korintofo 2:10-11, Asomafo 5:3-4, 1 Korintofo 3:16-17, 2 Korintofo 3:17.
Mpem ᴐha aduanan anan (144000) kuw nkutoo na wotumi kyerԑkyerԑ Bible mu nsԑm. Gyidifo nyinaa wᴐ hokwan ԑdenam Onyankopᴐn Honhom Kronkron so etumi kyerԑkyerԑ Bible mu nsԑm-Yohane 16:13, 1 Yohane 2:27.
Nkwagye nam Yehowa ne Yesu mu gyidi so ne Ͻwԑn Aban Ahyehyԑde  nnwuma mu mmᴐdenbᴐ. Yesu nkutoo mu na nkwagye wᴐ-Yohane 5:39-40, 10:25-29, 14:6, Asomafo 4:1.
Yesu ԑnyԑ ntamgyinafo mma adesamma na mmom ma nnipa mpem ᴐha aduanan anan (144000)       Yesu yԑ ntamgyinafo ma obiara ᴐwᴐ ne mu gyidi- 1 Timoteo 2:5-6
 Ͻsoro kᴐ ne Honhom kronkron awo foforo no yԑ kristofo nnipa mpem ᴐha aduanan anan fi afe 33 Y.B mu bԑsii afe 1935 Yԑn Bere mu. Gyidifo nyinaa nya honhom Kronkron awo foforo mu kyԑfa ne daa nkwa ahosan wᴐ ᴐsoro-Yohane 3:3-7, 1:12, 1 Yohane 5:1, Adiyisԑm 7:9-13, 19:1
Wᴐn a wobenya nkwa wᴐ Harmagedon no akyi no bԑsiesie asase no amma abԑdan Paradise wᴐ Yesu mfe apem nniso ase. Gyidifo nyinaa benya hokwan atena ᴐsoro ne asase so, na mpo bԑnya kwan aforo soro asian aba asase so te sԑ bere a Yesu Kristo  nyanee fii owu mu no-Mateo 8:11, Luka 13:28-29, Hebrifo 11:13-16, 1 Tesalonika 4:14:17, Asomafo 1:11, 1 Yohane 3:2
Nnipa wu a ᴐkra no nso wu. Nnipa kra nnwu wᴐ owu mu, na ԑtena hᴐ daa. Mateo 10:28, 2 Korintofo 5:8, Filipifo 1:23-24, Adiyisԑm 6:9-11.
Asԑmfua ‘Hell’ nkyerԑ beae a wᴐtwe abᴐnefo aso na mmom ԑyԑ adesamma adamoa ho sԑnkyerԑnne. Asԑmfua ‘Hell’ kyerԑ daa asotwe-Mateo 25:46, Marko 9:43, 47-49, Luka 16:22-29, Adiyisԑm 14:9-11, 20:13-15, 21:8.
Kristofo mfa wᴐho nhyԑ akodi, abatow ne amanyᴐsԑm mu. Kristofo yԑ nkyene ne akanea wᴐ wiase asetra kwan biara so, sԑ amanyᴐsԑm oo anaa akodi oo, ԑsԑ sԑ wᴐabrabᴐ pa yԑ nhwԑso-Mateo 5:13-16, 8:5-13, Asomafo ne Nnwuma 10, Romafo 16:23, Ͻsԑnkafo 3:8.
Mogya a wᴐgye kᴐ honamdua mu no tia Onyankopᴐn mmara ԑka sԑ mma yenni mogya te sԑ aduan. Mogya wᴐgye kᴐ honamdua mu no ԑhyԑ mogya a ahwerԑw  honamdua no ananmu, ma enti honamdua no nnyam mogya te sԑ nea ᴐyam aduan ara pԑ. Ne saa nti Kristofo mpo sԑ etia mogya mmara a onyankopᴐn de mae.
Yesu wui wᴐ asendua so na ԑnyԑ mmeamudua. Mmeamudua yԑ abusude a ԑyԑ abosonsom a gyiraehyԑde. Yesu wui wᴐ mmeamudua so, na ԑnyԑ asendua. Mmeamudua no yԑ nea wobu no sԑ a honhom fam abusuabᴐ a ԑda agyidifo ne Yesu Kristo ntam-Yohane 20:25, Mateo 27:37, 1 Korintofo 1:18.
Wᴐabara Nyamesom ne asetram mu nnapᴐna nyinaa, te sԑ buronya Gye sԑ Yesu Kristo wuo ho Anwummere aduan ho nkaedi nkutoo ne nea ԑfata kristofo. Kristofo wᴐ ho kwan paw sԑ wobedi nnapᴐna ahorow biara wᴐpԑ-Romafo 14:5-6, Kolesefo 2:16,
Yesu dii nnapᴐna ‘Hanukah’-Yohane 10:22-23,
Hiob mma dii wᴐn awoda, Hiob 1:4.
Print Friendly, PDF & Email

This post is also available in: SpanishPortugueseCzechItalianRussianBorɔfo